У 104 гады стаў паручнікам
15 сьнежня ў мястэчку Івянец Валожынскага раёну віншавалі Аляксандра Шакеля, якому споўніліся 104 гады. Паводле рашэньня прэзыдэнта Польшчы міністар абароны гэтай краіны прысвоіў спадару Шакелю наступнае вайсковае званьне — паручніка.
У мясцовым Доме польскім адбылася ўрачыстасьць з гэтай нагоды. Павіншаваць спадара Шакеля зь Менску прыехалі кіраўнік консульскага аддзелу польскай амбасады Марэк Марцінэк і вайсковы аташэ палкоўнік Ян Мышынскі. З Горадні сустрэцца зь юбілярам прыехаў старшыня Галоўнай рады Саюзу палякаў (на чале з Анжалікай Борыс) Андрэй Пачобут. Прыйшоў таксама кіраўнік івянецкай улады Сяргей Рэут, які сказаў, што наведае потым старога вайскоўца дома.
Аляксандар Шакель ваяваў у 1939 годзе у вайне Польшчы зь немцамі, потым вярнуўся дахаты і апынуўся ў ГУЛАГу. Яму ўдалося пазьней трапіць у армію генэрала Андэрса і ён ваяваў пад Монтэ-Касіна. 53 гады вэтэран пражыў у Англіі, а дзесяць гадоў таму вярнуўся дахаты, «вярнуўся, каб памерці на роднай зямлі», сказаў ён.
Аляксандар Шакель застаецца брытанскім грамадзянінам.
Аляксандра Шакеля віншуе вайсковым аташэ Ян Мышынскі.
Аляксандар Шакель з польскім дыпляматам Марэкам Марцінэкам
Чытайце таксама:
Адзін каментар
Каментаваць
Даведайцеся дзякуючы праекту Пераадольваючы стэрыятыпы: маладым беларусам пра польскі ўдзел у ІІ сусветнай вайне пра гераічную абарону Польшчы, падпольную рэспубліку Арміі Краёвай і дывізію імя Касцюшкі пад чырвонымі штандарамі, трагічнае паўстанне ў паўразбуранай Варшаве і легендарную армію генерала Андэрса, што ўнесла вялікі ўклад у агульную Перамогу народаў Еўропы над фашызмам.
| © Праект "Пераадольваючы стэрыятыпы: маладым беларусам пра польскі ўдзел у ІІ сусветнай вайне", 2009 | Выкарыстанне матэрыялаў
Cтворана на Wordpress | Дызайн Elegant Themes | Кіраванне электронным праектам Solid.Remouve | Кіраванне сайтам |
|
|
Класная навіна! Вельмі спадабалася! Дзякуй!